Messi në shënjestër në Arabinë Saudite, i drejtojnë armën (VIDEO)

Ylli argjentinas i futbollit, Lionel Messi ka kaluar një aventurë të hidhur teksa ndodhej në Arabinë Saudite, ku kombëtarja argjentinase do të luajë një miqësore të mërkurën. Sapo zbriti në aeroportin “Mbreti Fahd” të Riadit, lojtari është rrethuar menjëherë nga fansa dhe agjentët e sigurisë e kanë mbrojtur duke mbajtur armë në duar. Por një prej këtyre armëve është drejtuar në mënyrë tëpavullnetshme në fytyrën e kampionit amerikano-jugor, që ka përjetuar momente tensioni. Gjithësesi, frika ka zgjatur pak dhe sulmuesi i Barcelonës është hipur nga agjentët në makinë për të arritur qendrën e qytetit.